حق لفارس يركب لمخو لڨدار..... ويولي يبحث دايمن غير يشالي
ما يحرن وطبيعته ماهو حڨار ... ما هو دساس مكار يحالي
ماهوشي من ذوك خيل التدفار ....يخلع صنفو تڨول من عود خوالي
مايتسمى باسم يڨولو مدفار .... كي تتشواف رآه يڨعد من تالي
مولى نشطة لا عدز ماهو حبار....وزين طبيعة ما مخالط لرذالي
سح براري خاف يا شارد نوحار ... ما يعيا ما يحس بالتعب يبالي
مدرب عاقل يعجبك يلعب لدوار ....طايع ذا المربوح همة ودلالي
يوم الفيشطة يفرحك ذاك لڨهڨار ....مأدب رزين همة شالف دامي
ما يحيرش راكبو كي دعار .... ويسڨم من كان جايح بوهالي
يتلبط ڨاع لمصاعب من لوعار .... ويطوي كذا شعاب ترجع بسهالي
عندو دودة تهوض تڨدي فيه النار ....يتمڨرص لاهي مشقلل بشغالي
ويتكورى عالازمة يحفر تحفار ....يتشابه ضله وخيالي
يتحشكل ذ الڨاهرة عند التغوار ... مثل سراب يلوح قيس التڨيالي
عندو ومية تڤول ذ لمربوح هدار ...لو سولتو تڨول يعرف تسوالي
يدُّك ْ فجوج شبه طير من لطيار.... تارك وكرو هاجر رايح جالي
يزڨلف لمقاوي صايڨ بجهده لحجار .... ومدركم بمطار يهطل هوطالي
ولا برڨ رياش ،ريش فوڨ اشفار .... يبرڨ ما تصحيه يسطع عجالي
يتختل وينڨر طريقه تنڨار ...يتقيزب مسار يجري نڨالي
مثل لماء دفاڨ يتجرجب شرشار ....سايح على واد ساڨيه ومالي
ولا ڨطعة من لبحر في يومه ثار ....حاجب شمس شعاعها يطلع سالي
هبة ريح تڨول ذا يشبه تيار .... يڨطع كل وكيد من كاف وجبالي
مثل لواد غزير غارق في وروار ....ظلامو حالك ساد في نص ليالي
في السيرة هاذ لعود كي ڨوطار ....يتسابڨ هو و ليله طوالي
يا شيبي من شوفته يعطيك خبار ...معاه النفحة حبيب هي تحلالي
سبحان الله ما خلق في ذ التصوار.... سبحان الله ما مفصل فصالي
=
بلغ الادارة عن محتوى مخالف من هنا
ابلغون على الروابط التي لا تعمل من هنا