طريقة نحضير وصفة معجون الإجاص مجانا
بسم الله والصلاة والسلام على رسول الله،
المكوّنات
8 أشخاص
600 غ إجاص حلو
400 غ سكر حبيبات
800 غ ماء تقريباً
حبة ليمون متوسطة الحجم
2 نجمة الأرض
الخطوات
1 - نبدأ أولا بغسل الإجاص جيدا ثم نوزنوه ،ثم نقشرو (لأني راح خلي الحبات كيما راهم في المعجون)نسترجع القشور في كسرونة بها تقريباً 800غ ماء ،حسب كمية الإجاص ونغليهم مدة قصيرة حتى يبدا يتلون الماء،وقبل هادا ندهن حبات الإجاص بالليمون حتى مايحمرش ونتركهم جانبا،نصفي الماء لي فيه قشور ونحطو في إناء آخر يكون ثقيل ونضيف عليه كمية السكر نحركو حتى يذوب،ثم نشعل عليه النار و نحط فيه حبات الإجاص المقشرة ونتركهم يغليو مع 2نجمة الأرض وليمونة مقسومة على اثنين،على نار عالية،
2 - بعد ما يبدا يغلي،نخلي النار متوسطة ونخليه مدة ساعة ونغطيه لكن نخلي فتحة صغيرة حتى ما يفيضش،حتى يبدا يتعسل ،نطفي عليه ونتركو يبرد،ثم نصبو في بلارا وننزع قشور الليمون و نجمة الأرض وندخلو والثلاجة حتى وقت الإستهلاك، بالشفاء والهناء
=
بلغ الادارة عن محتوى مخالف من هنا
ابلغون على الروابط التي لا تعمل من هنا