1*خرجت بدر البدور تتزعبل في المور تلقت ذوك الشعور بالخد اللي ينور مثل التفاحة .

2*و الا كنتي في القصور، نتعلى و نزور، والا كنتي في البحور ذكري عوامة، الجود منك و العطاس مولانا .

3*ديدو، ديدو دويانكم ينسوني الريح، انا سعدي مليح، قنديلي ضاوي البنيان الللي بنيتو قع سجالي، بنني غرفة فوق غرفة فوق منزعه عالي و اللي خصني يكملهولي العالي .

4*طلعت في التاقة، دربيت رجليه، حرقست حرقـوس الذهب حتى الوذنية، باركولي يا جيراني سعدي ولا ليه.

5*خرجت من الفاس، دايره الداح و مقياس و ازويجه ملخراص، هددت وذنيها اللي عندو نقش الريال ايجي يديها، واللي ما عندوش يقعد يقابل فيها .

6*اسمعت قر الحمام، في قاعة السجنة، لا من طاه الما، لا من اسقاه اللفط، يا قمر الحمام، يعيا يحن الحنين، او تتعمر اقبوشه بالما، وانعودوا لزمانا كيما كنا .

7*لو كان بالسعود، تتغرس بالعود، نخدم اميه عود في مرجه وحده، يا سقام السعود سقملي سعدي .

8*قطعت اللحم بيدي، واعملتوا بزاروا، واسمعت الكلام بوذني، و اعرفت من قالوا، يا قوال الكلام الله لا يجعلك تربح، انا في جرتك و الكلاب تتنابح هودت القاعة الجنان، فرشت زربيه، جازوا اعليه طيور، جنوحتيهم عكرية، قالو لي يا الشباب واش احوال الدنيا، قلتلهم سلاما او عافية .

9*جزت على باب دارنا، صبت الناس الملاح ارقود، اتنهدت الذالية، واتخلخل العنقودن قال: الهلال تكشف قالوا: النجوم ذنوب، جيلو القلوب تهنا، هاذ الشي بالمكتوب .

10*خرجت بدر البدور، تتزعبل و ادور، تلقت ذوك الشعور، زادوا الى حالي، تطلب ربي الحنين ما يجي العام ايدور حتى انكون في حجر اغزالي.
11* كنا انا وياك متحابين .....ورجع قلبي مجروح منين كلمتيني وقلتيلي روح ...يعيا ربي يبين الصح ...وباب الخير ينحل علينا .


12* ياخاوتي ياولاد العموم ...الدنيا الدور والشده ماتدوم .... والحال خليه على حالو ... واللي مكتوب في الجبين تشوفو العين .

13* من صاب ياربي دار بلا جيران ، ومن صاب ياربي بيوت بلا بيبان ، غير انا والحبيب نذكرو في اللي كان .

14* اذا طاح الليل راهو يطلع ... اذا كثر النحاس الذهب هو الي يسطع .... وسيرتك كي العط بين الناس .... القعده زينة وكي السلطان متربع .

15* ياما مشيت وسافرت ، والهم ديما ورايا ، صرالي كي عرجون التفاح ، عطشان والماء حذايا .



16* اصلك اصلك وماينفع غير الصح ، مولاة النيه الصافيه عليها ربي يفتح ...تطول ولا تقصر ايجيه السعد والربح .. ان شاء الله .

17* طلعت للسطح وفرشت زربية ... حرقست بحرقوس الذهب حتى لوذنية افرحي يايما سعدي ولالي ... نستشفى في لعدو كيما يستشفى فيا .

18* خمري ياخمري يالي عايروني بيك ... انت حبق في السطح وانا نجيك نسقيك ..... انت نجوم في السماء وانا ننظر فيك ... انت خاتم في يدي وانا نبرم فيك ... نحبط لقاع البحر نرمي عوام عليك ... والي غلب يديك .

19* شجرة ياسمين نايضه في وسط الغرفه ... عروقها سنجبير وغصانها قرفه ... والله ماننساك يازينه الوقفة .

20* عيطت على سيد الملاح ... حسبت الناس رقود ... تزعزعت الدالية طاح منها عنقود ... النجوم قالت نكشف والقمر قال نذوب ... اصبر ياقلبي ياك كل شيء مكتوب .

21* لو كان السعود ينغرسو بالعود ... نغرس ميات عود وعود في وطيه وحدي ... لكن السعود في يدك يا معبود ياسقام السعود .... سقم لي سعدي ... الناس الكل بحبابهم ... وانا غريب وحدي .

22* غرست ياسمينه في وسط الدار ... عروقها سنكجير واطرافها زنجار ... يما يايما محلى عشق الجار ... العين تخزر في العين والقلب شاعله فيه النار

أدخل عنوان بريدك الإلكتروني هنا يصــــلك كل جديــــد

بلغ الادارة عن محتوى مخالف من هنا ابلغون على الروابط التي لا تعمل من هنا

تابع
-21- حبطت لقاع الجنان فرشت الزربية
حرقصت حرقوص الذهب حتى الوذنية
يما يما ولفي ولى لي نستشفى
في العدو كما استشفي فيا.
******************
-22- بعثت لك يا شباب
دموعي قرنفلة حمراء
يا عدو بن عدو
بدلتني بأمرأة
قال لي و الله يا لا له
ما نبدلك بالغير
محبتك في قلبي
حتى يشيب الطير
في طلب القرب
عندنا شجرة
معمرة بالياقوت
و عندنا فوارة
معمرة بالحوت
أعطوني بنتكم
ولا نطيح نموت
*****************
-23- انت سبيبط
و أنا خويط فيك
أنت سنيسلة
و أنا خمسة تحميك
أنت خويتم
و أنا فصيص فيك
وين تروح أنا لنديك
***************
-24-الا أنت بحر
أنا حوت فيك
و الا أنت جنان
أنا وردة فيك
و اذا أنت تحبني
أنا نموت عليك
---------------
-25- أنا شابة و مهري غالي
ولي يحب يديني
يحسب النجوم و يسهر الليالي
و لا يبني لي قصر في العلالي
و اذا بغى الغالي
نجبلوا بنت و ذراري
---------------
-26- رديت الباب دكا على دكا
و طويت الفراش طبقة على طبقة
مصباحي شعل عمرو ما ينطفى.
-------------
-27- جايز على باب دارنا
لابس تلمساني
قلت له يا شباب بالاك تنساني
قال لها و الله ما ننساك
و نصيبك على ربي بجاه
سلطاني
--------------
-28- قالو خليلي مريض *******و مريض بالوسواس
ركبت على بغيلتي ******نجيب له الدواء من فاس
جيت الى باب النحاس ******صبت البكاء و الناس
قست ذاك الدواء ******و هرست ذاك الكاس
و بركاي ياعونتي ******ما تبكي على ولد الناس
------------
-29- بعض الناس هما هما *****كالعسل في القرجومة
و البعض يا لطيف ******كالحبة اللي مسمومة
أنا أخترت في الدنيا *****ديك الفويمة المختومة
خير منها ما صبته *****في جميع بنات الحومة
فيها سمايم الخير *****دارها دايم مرحومة
-----------
-30- بركاك يا قلبي من البكاء*****و أضحك لزمانك و أفرح
بشاير الخير طلعت *****و ربي رد اللي لكان راح
حرير و مسجونين *****خير منهم سيد الملاح
--------
-31- كنت منكم و اليكم *****و ضحيت براني
كنت في الصف الأول ****صرت في الصف الثاني
و اليوم يا عدولي***** قولوا لسلطاني
الذل ما نحمله .....و العز رباني
---------
-32- دقيت باب الرياض *****و نسري كلمني
الورد حل لي الباب *****و الزهر عنقني
و الياسمين ذا الشباب*****لا بغى يكلمني
---------
-33- بيدي قطعت اللحم ****بيدي عملت له بزاره( البزار هي التوابل )
بوذني سمعت الكلام ******و علمت من قالوا
يا قوال القبيح ****واش مثلك بربح
خلي السبع في غابتوا ****و خلي الكلاب تنبح
----------
-34- طلعت للسطح نسقي الحبق ببريق البلار
جازو علي ثلاثة من الأقمار
واحدة لاله و وحدة فنار ( الفنار هو المصباح )
و واحدة تشعل في القلوب النار
---------
-35- ألعب و أضحك *****و أعمل لهم الطريق
يا سايلني ****** رحمة الله موجودة
قادر ربي *****يفكنا من هذا الضيق
و يحطنا في مثل *****منازة مرفودة
قداش من خير *****عند ربي موجودة
-----------
-36- يوم الجمعة والناس مجمعة****بكات عيني بالدمعة و لا من يسكتني
خرجت بدر البدور *****تتزعبل بذوك الشعور
زالوا عن حالي
نطلب ربي الحنين ******لا يوريلي الغيار على طول الزماني
نضحك و نلعب و نبكي عدياني*****و نجلس حدا غزالي
---------
-37- نتفكركم في كل مساء و صباح ****في الليل سهران بكماله
حبكم ساكن يمين صدري *****ما ننساكم شي غير اذا نسى
الشحيح غاية *****رأس ماله
---------
-38-يا شمس العشية ******على الغرب تسيل
نتفكر ناسي *****و احبابي و أهلي
يمتحي قلبي *******مثل النيلي ( اللون الأزرق )
فارقت الأحباب *****واش من خير بقى لي
-------
-39- ربيت الحمام في قفص المرجان*****أطعمته الريحان و السكر قندي
طار علي الحمام خلاني وحدي*****نطلب ربى سيدي بو سدي
يرجع لي الحمام و يتسقم سعدي
----------
-40- أنتي فصيص اليامنض *****يا ليلتك وحدك
يا مولات السعد الأبيض *****ربي يكمل لك
حوست البلدان *****ما صبت أحد مثلك
نطلب ربي يخلق حيلة***** من السماء و نكون في كسبك

أدخل عنوان بريدك الإلكتروني هنا يصــــلك كل جديــــد

بلغ الادارة عن محتوى مخالف من هنا ابلغون على الروابط التي لا تعمل من هنا

ر

أدخل عنوان بريدك الإلكتروني هنا يصــــلك كل جديــــد

بلغ الادارة عن محتوى مخالف من هنا ابلغون على الروابط التي لا تعمل من هنا

فالك مليح

أدخل عنوان بريدك الإلكتروني هنا يصــــلك كل جديــــد

بلغ الادارة عن محتوى مخالف من هنا ابلغون على الروابط التي لا تعمل من هنا

شكرا بزاف على البوقالات خترت رقم 22

أدخل عنوان بريدك الإلكتروني هنا يصــــلك كل جديــــد

بلغ الادارة عن محتوى مخالف من هنا ابلغون على الروابط التي لا تعمل من هنا

بارك الله فيك على الموضوع

شكرا جزيلا

أدخل عنوان بريدك الإلكتروني هنا يصــــلك كل جديــــد

بلغ الادارة عن محتوى مخالف من هنا ابلغون على الروابط التي لا تعمل من هنا

22_sidi bel abbes
 * غرست ياسمينه في وسط الدار ... عروقها سنكجير واطرافها زنجار ... يما يايما محلى عشق الجار ... العين تخزر في العين والقلب شاعله فيه النار
22- بعثت لك يا شباب
دموعي قرنفلة حمراء
يا عدو بن عدو
بدلتني بأمرأة
قال لي و الله يا لا له
ما نبدلك بالغير
محبتك في قلبي
حتى يشيب الطير
في طلب القرب
عندنا شجرة
معمرة بالياقوت
و عندنا فوارة
معمرة بالحوت
أعطوني بنتكم
ولا نطيح نموت

17_ djalfa


17* طلعت للسطح وفرشت زربية ... حرقست بحرقوس الذهب حتى لوذنية افرحي يايما سعدي ولالي ... نستشفى في لعدو كيما يستشفى فيا .
39_   17+22 SIDI BEL ABBES+DJALFA

أدخل عنوان بريدك الإلكتروني هنا يصــــلك كل جديــــد

بلغ الادارة عن محتوى مخالف من هنا ابلغون على الروابط التي لا تعمل من هنا

14 اذا طاح الليل راهو يطلع ... اذا كثر النحاس الذهب هو الي يسطع .... وسيرتك كي العط بين الناس .... القعده زينة وكي السلطان متربع .

أدخل عنوان بريدك الإلكتروني هنا يصــــلك كل جديــــد

بلغ الادارة عن محتوى مخالف من هنا ابلغون على الروابط التي لا تعمل من هنا